Weihnachtszeit

Weihnachtszeit, oh Weihnachtszeit,
bist so schnei vorbei.
Is des wichtig, wann mia feiern,
oda kinan mia oiwei fröhlich sei?
Dass mia unsere Herzn öffnen,
is des, wos wirklich zaid
und Weihnachtn kon imma sei,
und Frohsinn in da Welt.
Weihnachtn, wos is des fia a Fest,
gäds do blos ums schenga?
Dass des ned dea Sinn is,
des konnst da du scho denga.
De Wünsche de wean oiwei größa,
i glab des is ned guad,
des Wichtigste des wead vagessn,
weil a jeda, so vui schenga duad.
De Gschengga, de san ned so wichtig,
weil des doch ois vagänglich is,
jedoch de Freid im Herzn gschbian,
des is des wos zaid, des woas i gwis.
Des is des, wos a jeda braucht,
a wenn mia manchmoi anders redn,
Wuad und Hass is schnei verraucht,
s`Wichtigste is, dass mia uns meng.
Weihnachtn kon jedn Dog sei,
aba ned, so wia du vielleicht moansd.
I moans ganz anders und zwar a so,
gschbia d`Liab ganz diaf im Herzn
drinn und zünd dei Lichtal o.

Maria Magdalena Widmann
Aus meim Buach "So siegs i"

Autor: Maria Magdalena Widmann, 83714 Miesbach
Titel: Weihnachtszeit, aus meim Buach "So siegs i"
Copyright: © Maria Magdalena Widmann
gepostet von Maria Magdalena Widmann
Date: Wed, 16 Aug 2006 19:55:19

→ Alle Maria Magdalena Widmann Gedichte auf den Fest- und Feiertagsseiten

Die schönsten Weihnachtsgedichte

Zur Übersicht aller Weihnachtsgedichte
ein Service von www.weihnachtsseiten.de

Alle Feiertagsgedichte www.feiertagsgedichte.de